Орхон сумын ахмадын хороо нь аймгийн ХБИ-ийн "Оргил мээж" холбоотой хамтран олон нийтийн оролцоонд түшиглэсэн халамжийн өдрийн үйлчилгээг ахмадын өргөөний чийрэгжүүлэлт болон сургалтын танхимд 2024 оны 04 дүгээр сарын 08-16-ны өдрийг хүртэлх хугацаанд зохион байгууллаа.

Өдрийн үйлчилгээнд эрүүл мэндийн болон спортын дасгал хөдөлгөөн зааж, шаардлагатай ахмад настнуудад бумба, гар бариа, зөгийн балны татлага, улаан гэрлийн туяагаар шарах, хөлний массаж, хуянгийн аппарат зэргээр үйлчилгээ үзүүллээ.

Мөн нийгмийн хариуцлагын хүрээнд өөхөн тосоор саван хийх, давсан урлал, лаа, эпокси урлалаар бүтээгдэхүүн хийх сургалт хийгдлээ. Дээрх арга хэмжээнд 15 ахмад хамрагдаж "Монгол сэтгэмж", "Дэвжих" нэртэй ахмадын 2 бүлэг байгуулагдан 10 гаруй нэр төрлийн давсан, цементэн болон эпокси гар урлалын бүтээгдэхүүн хийсэн байна. Эрхэм нутгийн иргэд та бүхэн ахмадуудаа дэмжиж, хийсэн бүтээгдэхүүнээс нь худалдан авалт хийгээрэй.