Монгол улсад Шинжлэх ухааны мал эмнэлэг, үржлийн алба үүсэн байгуулагдсаны түүхт 100 жилийн ойн баярын мэндийг өргөн дэвшүүлье.

          МАА-н салбар нь үндэсний баялаг мөн бөгөөд түүний хөгжилд зоо, мал эмнэлгийн үе үеийн мэргэжилтэнүүд үнэтэй хувь нэмрээ оруулсаар ирсэн билээ

          Малыг эрүүлжүүлэх, чанаржуулах, мал сүргийн өсөлтийг хангах, хүн амыг эрүүл аюулгүй хүнсний бүтээгдэхүүнээр хангахад энд хуран цугларсан та бүхний оруулсан үнэтэй хувь нэмрийг  цохон тэмдэглэхэд таатай байна.

          Энэ өдөр  та бүхний түүхэн ололт амжилтыг дурсаж, түүхт 100 жилийн ойн арга хэмжээг сумандаа тэмдэглэхээр та бид хүрэлцэн ирээд байна.

          Монгол улсын хэмжээнд нийт 90 сая орчим толгой мал тоологдож, хүн амын дотоодын хэрэгцээг хангахад чухал байр суурь эзэлж байна.

          Манай сумын хувьд  357,2 мянган толгой мал тоологдож, мал сүрэг өмнөх оныхоос 1 хувиар өссөн үзүүлэлттэй байна.

          Энэ өссөн үзүүлэлтэнд тус суманд ажиллаж байсан үе үеийн малын эмч, зоотехникч нар тэдгээрийн үргэлжлэл болж одоо үйл ажиллагаагаа тогтмол явуулж   эрдэнэт мал сүргийнхээ энхийн манаанд зогсож, хүнд хэцүү цаг мөчтэй тулгарч шантралгүй ажиллаж байгаа та бүхэндээ халуун талархал илэрхийлье.

          Сумын Иргэдийн Төлөөлөгчдийн Хурлаас мал аж ахуйн салбартай холбоотой “Чинээлэг малчин”, “Бэлчээрийн менежмент”, “Шинэ хөдөө” дэд хөтөлбөрүүдийг батлан хэрэгжилтэд хяналт тавин ажиллаж байна. Мөн мал эмнэлэг үржлийн нэгжүүдийн үйл ажиллагааг дэмжиж, хэрэгцээ шаардлагатай байгаа комьпютер, пос машин авах хөрөнгийн асуудлыг шийдвэрлэж өгсөн болно.

           Монгол улсынхаа нийгэм эдийн засгийг бүрдүүлдэг мал аж ахуйн салбарын  хөгжлийг сахин хамгаалж байгаа үе үеийн малын эмч, мэргэжилтэнүүд, эрхэм мал зүйчид, сумын ажилтан албан хаагч  та бүхэнд дахин чин сэтгэлийн баярын мэндийг хүргэж, та бүхний гэр бүлд аз жаргал хамгийн сайн сайхан бүхнийг хүсэн ерөөе.

Та бүхэн минь сайхан баярлаарай.